© 2015, Josse Goffin, Regard à gauche

Lès ptits rwès

 Jules Boulard

Texte


C' n' èstot qu' in bwès, rin qu' eune seupèche XX,
Bin lon dou viadje, padrî lès bîrs XX ;
L' ci qui l' couneut, n' saurot mî dîre,
In bon vî bwès, rimpli d' foyes XX sètches.

Au long dès hâyes èt dès vivîs XX,
On-z-î n-alot pa l' èrmitadje ;
Aveu lès-ôtes gamins dou viadje
On s' î grètot ôs ampounîs XX.

On s' î kchèrot aveu lès coches,
Èt timps d' l' ivér, dseu lès sokés XX,
Quand i djalot deur dins lès prés,
Ça sounot fôrt dzous lès galotches.

Djeu m' î wèt co – deu dvant èrso –
Assîs dseu n' brantche û dins la nîve
Pou-z-î mwindjî l' bon pwin dou lîve
Qu' èstot bin sètch coume in fagot.

In bon vî bwès qui m' prind ou kûr XX,
Bin lon deud ci, dins lès neuadjes
Dou timps qu' dj' èstins dès ptits sôvadjes
Û bin dès rwès, dj' n' a seu ni chûr !



Jules Boulard XX




Notes

  1. seupèche : taillis
  2. bîr : ruisseau
  3. foye : feuille
  4. vivî : étang
  5. ampounî : framboisier
  6. soké : souche
  7. kûr : cœur
  8. En wallon de Jéhonville

Metadata

Auteurs
 Jules Boulard