© 2015, Josse Goffin, Regard à gauche

Mins pocwè l’ voeyeut on voltî?

Pablo Sarachaga

Texte

C’ est dandjreus a cåze di s’ coûte durêye come prumî minisse (nén co troes moes), et di si assazinaedje a 35 ans.
Kimint nd ariva-t on la ?

Djusse après l’ dislaxhaedje oficir, Moyisse Tchombé, k’ ovréve pol kipagneye bedje des menes do Catanga, va atourner l’ police do Katanga (li province avou les pus grandès ritchesses di minrês) a n’ nén ricnoxhe li govienmint cintrå. Tot djhant ki c’ est po waeranti les Bedjes ki dmorèt låvå, li Beldjike evoye des sôdårds å Catanga, et insi sotni l’ govienmint dislaxhiveus [sécessioniste] da Tchombé. Mågré l’ arivêye di bleus casses, dimandés pa Kinchassa, li Beldjike rifuze di rsaetchî ses tropes. Adon, Loumoumba dimande l’ aidance di l’ Union Sovietike, eyet e moes d’ setimbe 1960, gn a des aidants et des scoleus sovietikes k’ arivnut.

Vos sintoz bén ki çoucial n’ est nén fwait po plaire ås Bedjes ni ås Amerikins. Ki decidèt di l’ assaziner. Li pus simpe, li fé livrer å redjime dislaxhiveus do Catanga, si pus grand innmi. Ces-ci l’ vont fé fuziyî li 17 di djanvî 1961. Des policîs bedjes vont minme fé disparexhe si coir, tot l’ dismantchant dins do seur soûfurike diné pa ene copagneye di menes.


Pablo Sarachaga, sol Wikipedia walon

© Licince GNU di libe documintåcion

Metadata

Auteurs
Pablo Sarachaga
Sujet
Katanga. Moyisse Tchombé
Genre
Chronique
Langue
Wallon
Relation
Revue Li Rantoele n° 89, mai 2019
Droits
© Licince GNU di libe documintåcion, 2019